Category Archives: ԻՄ ՇԱՐԱԴՐՈՒԹՅՈՒՆՆԵՐԸ
My future plans
When I’m thinking about my future I cannot say for sure what it will be like. Many of teenagers do not know what they want to become. But I am sure that the most important things for me in future will be my profession and family. My opinion is that good education is necessary to get a good job. Profession is a very important choice that will define all of my future life. I am glad that my parents support me.
Of course I hope I’ll have possibility to travel and to meet interesting people in future. I want to drive a car. Now it sounds like a dream but these are things I want to have and to do. I am sure that plans begin from dreams. And I hope that my future holds a lot of nice surprises for me!
Մտքեր, մտքեր, մտքեր…
Յուրաքանչյուր մարդ կարողանում է իր միտքը օգտագործել,իսկ այն ավելի սարսափելի զենք է , քան առյուծի ճիրանները։ Ոչ բոլորն են այդ զենքը ճիշտ օգտագործում, նունիսկ լավ նպատակով:Իմ կարծիքով բավական չէ առողջ միտք ունենալ, քանի որ կարևորը դրանից հմտորեն օգտվելն է։Լինում են դեպքեր, որ մարդիկ մեկուսացնում են իրենց, մտածելու համար: Յուրաքանչյուրը պետք է հասկանա, որ միայնակությունը խելքի համար նույնն է, ինչ քաղցած սննդակարգը` մարմնի։ Երբեմն այն անհրաժեշտ է, բայց չպետք է լինի չափազանց երկարատև: Հաճախ մարդիկ իրենց միտքը օգտագործում են վատ նպատակներով, բայց նրանցից ոչ ոք չի կարողանում հասնել իրենց ուզածին, քանի որ այն նպատակը, որի համար մարդը դիմել է անարդար միջոցների, ճիշտ և արդար նպատակ չէ:
Մարդն առանց մտածելու չի կարող երկար գոյատևել: Իմ կարծիքով, մտքի անհրաժեշտությունը մարդու համար կարելի է համեմատել օդի անհրաժեշտության հետ:
Մեկ օրվա նկարագրություն
Այն օրը, որը իմ կյանքում ամենակարևորն ու երջանիկն է` քրոջս ծննդյան օրն է: Երբ քույրս ծնվեց, ես դեռ երկու տարեկան փոքր երեխա էի: Շատ պարզ հիշում եմ և կարող եմ նկարագրել այդ օրը:
Առավոտյան ինձ արթնացրեց տատիկս: Ինչպես միշտ նախաճաշեցի և վազեցի իմ սենյակ, որպեսզի իմ փոքրիկ երկաթյա ավտոմեքենաները վարեմ: Շատ խաղացի, թե քիչ` չեմ հիշում, միայն հիշում եմ, որ դուռը թակեցին և տատիկս այն բացելով ճչաց: Չնայած դրան ես չվազեցի դռան մոտ, այլ շարունակեցի խաղալ: Մի քանի վայրկյան անց, իմ սենյակում հայտնվեց մայրիկս և ամուր գրկեց ինձ, լաց լինելով: Ես էլ ամուր գրկեցի մայրիկիս, քանի որ շատ էի կարոտել նրան: Այնուհետև նա կամաց շշնջաց, որ հյուրասենյակում ինձ անակնկալ է սպասում: Այդ լսելով ես վազեցի հյուրասենյակ, և կարծես հանդիպեցի մի հրեշտակի, որը փաթաթված էր բարուրով: Հիշում եմ, թե ինչպես բարձր ճչացի և վազելով տատիկիս մոտ ցանկացա առնել նրա ձեռքերից քրոջս: Բայց իհարկե ոչ ոք թույլ չտվեց, որպեսզի ես գրկեմ նրան, քանի որ շատ փոքր էի:
Այդ օրվանից իմ կյանքը լիովին ձևափոխվեց:
“Ազատ միտք, ազատ խոսք, ազատություն”
Ազատությունը մարդիկ հաճախ սխալ են պատկերացնում: Ազատություն չի նշանակում ապրել ամբողջովին այնպես ինչպես ուզում ես, այդ բառը չի նշանակում ապրել միայնակ, բոլորից հեռու: Ազատ մարդու հարազատները, ընկերները և բոլորը ում նա սիրում է կարողանում են նրան հասկանալ, օգնել, սիրել: Յուքանչյուր մարդ պիտի ունենա ազատ խոսք և միտք, նրա կարծիքը պետք է հաշվի առնվի նրա շրջապատում: Ազատությունը այնպիսի մի բան է, առանց որի մարդ երջանիկ չի կարող լինել: Չնայած դրան, ցավոք մեր ժամանակներում ոչ բոլորը ունեն իրական ազատություն:
Ազատություն կարող է ունենալ և պետք է ունենա յուրաքանչյուր մարդ:
“Մարդիկ, ում վստահում եմ”
Դեռ ոչ մի գաղտնիք չի եղել, որը ես չեմ վստահի ընտանիքիս: Հորս, մորս և քրոջս շնորհիվ իմ կյանքը երջանիկ է անցնում: Ես երբեք չեմ կորցնի իմ վստահությունը ընտանիքիս հանդեպ: Հայրս հաճախ տարբեր խորհուրդներ է տալիս, որոնք օգնում են ինձ հաղթահարել կյանքի դժվարությունները: Մայրս մեղմացնում է հոգուս ցավը, որը պատճառում են այն մարդիկ, որոնց վստահել եմ: Քույրս կյանքս ավելի զվարճալի և հաճելի է դարձնում: Երբ տխուր եմ լինում` նա զվարճացնում է ինձ այնքան, մինչև երեսիս նշմարվում է ժպիտը:
Ընտանիքս կարծես ինձ համար դրախտի պես մի բան է, որտեղ ես մոռանում եմ, թե ինչ բան է ցավը և վիշտը:
“Այնպես եմ ուզում”
Այնպես եմ ուզում, որ աշխարհը լի լինի բարությամբ և սիրով: Որպեսզի մարդիկ երբեք չբղավեն, չվիճեն, չհուզվեն:
Այնպես եմ ուզում, որ մարդիկ կարողանան անհոգ և երջանիկ ապրել իրենց կյանքը, որը մեկ անգամ է տրվում:
Այնպես եմ ուզում, որ մարդիկ միշտ ցանկանան ուղղել իրենց սխալները:
Այնպես եմ ուզում, որ յուրաքանչյուր չար էակ,կարողանա վերգտնել բարությունը:
Այնպես եմ ուզում,որ ոչ ոք իրեն ստորացված չզգա:
Այնպես եմ ուզում, որ մեր քաջարի զինվորները, իրենց հայրենիքը պահպանելով՝ երբեք չմահանան:
Այնպես եմ ուզում, որ արդարությունը և խաղաղությունը տիրի աշխարհում:
Իմ կարծիքը «Բան ունեմ ասելու» ռադիոպիեսի մասին
Իմ կարդացած առաջին ռադիոպիեսն էր: Այն ինձ շատ հուզեց: Շատ իմաստուն էր: Բազմաթիվ անգամներ եմ հեռուստացույցով դիտել այսպիսի ծրագրեր: Իմ կարծիքով, այս ծրագրերը միայն ուժեղացնում են այն ցավը, որոնք զգում են երեխաները:Իհարկե, այսպիսի տեսակի հաղորդումների ճիշտ կերպով կազմակերպումը, շատ լավ արդյունքների կբերեր:Մենք բոլորս պետք է հասկանանք, որ հենց կյանքն է մարդու հարստությունը: Մարդուն երջանկացնում է ինչ-որ բան նվիրաբերելը,այլ ոչ թե պահանջելը: